Tuhfa e Sadiah / تحفہ سعدیہ

 - ترتیب : مولانا محبوب الٰہیؒ خلیفہ مجاز حضرت مولانا خواجہ خان محمد صاحبؒ - کل صفحات 464

به شمول احوال حضرات اکابر موسیٰ زئی شریف وسیرت حضرت اعلیٰ و حضرت مولانا محمد عبد الله و مقامات خواجہ خواجگان حضرت مولانا خان محمد قدس اللہ تعالی اسرار ہم سجادہ جانشین خانقاہ سراجیہ نقشبندیہ مجد یہ ، کندیاں ، ضلع میانوالی

تحفه سعدیہ بانی خانقاہ سراجیہ حضرت مولانا ابوالسعد احمد خان قدس سرہ کے مختصر پاکیزہ حالات زندگی اور معمولات خاصہ پر مشتمل ہے جسے آپ کی حیات مبارکہ ہی میں آپ کے خلیفہ مجاز حضرت مولانا نذیر احمد عرشی دھنولوی پی نے اپنے چشم دید واقعات اور برادرانِ طریقت برادران طریقت کی ثقہ روایات کو سامنے رکھتے ہوئے جمع کر کے شائع کیا تھا۔

بعد ازاں حضرت مولانا محبوب الہی خلیفہ مجاز خواجہ خواجگان حضرت مولانا خواجہ ابو الخلیل خان محمد صاحب قدس سرہ نے اس میں ایک مقدمہ اور ایک تتمہ کا اضافہ کیا اور مقدمہ میں حضرت حاجی دوست محمد قندھاری، حضرت خواجہ محمد عثمان دامانی اور حضرت خواجہ محمد سراج الدین قدس اللہ ار واجہم کی مختصر سیرت پاک اور تمہ میں حضرت مولانا ابوالسعد احمد خان قدس سرہ کے جانشین معظم حضرت ثانی مولانا محمد عبدالله لدھیانوی قدس سرہ اور اس کے بعد حضرت ثانی قدس سرہ کے ، جانشین معظم خواجہ خواجگان حضرت مولانا خواجہ ابو الخلیل خان محمد صاحب قدس سرہ کے مختصر احوال و معارف جمع و مرتب کیے گئے ہیں۔